بديل بريس جريدةرقمية إخبارية وثقافية
صهيون بالذل والهوان دخلات العربي
صهيون بالقتيل والإجرام حطمات العربي
دخلاتو تسعى لاموس لا جنوي تكسابو
لا بلاد لادين لا من يعترف بحبابو
حاقدين ناقمين على كل من هو عربي
صهيون فصلات سروال جديد والعربي مازال يرقع
صهيون ربات شعر جديد والعربي مازال مصلع
صهيون دمرات كل فريد والعربي مازال موزع
مازال كلباه شمس الظهر مازال ما وصلو البرد لمطلع
سرقات من مالي ومالك… خرجات العربي من بلادو هالك
لا من يكسي عراه… لا من يريح من عياه
خوه في الدين ونساه…
خوك في العروبة وكرى ناس على خلاه
صهيون الملقطة تخطات القدس الشريف
تخطات البيت لي فيه كنسجد ونركع
ما كفاها تذبح خويا وخوك
ما كفاها تسخر من رؤساء وملوك
ما كفاها تحط العربي بين القرطة والشاقور
ماكفاها دم بنادم لي عمر وديان وبحور
مازال… مازال أراسي تعاني وتقاسي
مازال تشوف ناسي … شي هايم وشي نايم وكثيرهم ناسي
نحرث ونزرع وفي التالي ما ندي غلة
ناكل ما نشبع خزبكم ولا علة
ننصح ما نقنع في كفار لا دين لا ملة
فاتوا الوحوش بي فعايلهم فاتوهم شلة
نعيش كراب بين الكربة والناقوس
نبيع الما لعما باش تريق لنفوس
ما نسول في مصير العربي حر ولا محبوس
ما نسول في عشاه حلو مالح ولا مسوس
ولا صهيون فوق راسو فوق يديه كتدوس
إلى ما عندهم من سلاح نزيدهم الموس
عفاكم قسموا العربي نصوص نصوص
حديث البارح ما كفاه لقنوا ثاني الدروس
لا نفس ثور كلشي في حياتو مغموس
لا قريب يزور كلشي في عايش متعوس
